Biełaruski apieratar mahistralnaha naftapravoda «Homieltransnafta Družba» praktyčna hatovy da pastaŭki azierbajdžanskaj nafty na naftapravodzie Adesa — Brody. Pra heta paviedamiŭ TASS u čaćvier hałoŭny inžynier «Homieltransnafta Družba» Andrej Viaryha.
«Heta zvyčajny praces transparciroŭki. Apierataram [va Ukrainie] źjaŭlajecca «Ukrtransnafta», jana padtrymlivaje ŭ spraŭnym stanie ŭsio abstalavańnie. Trubapravod nikoli nie vyvodziŭsia z ekspłuatacyi, jon zapoŭnieny technałahičnaj naftaj i hatovy da pracy», — skazaŭ Viaryha. Pavodle jaho słoŭ, jašče ŭ 2011 hodzie biełaruski bok transpartavaŭ naftu z Adesy, z Čornaha mora. «Sistema tady pracavała, naša naftapravodnaja sistemie hatova pracavać i ciapier», — skazaŭ Viaryha.
Jon paćvierdziŭ, što pastaŭki nafty ŭ Biełaruś płanujecca pačać u sakaviku pa prybyćci tankieraŭ u adeski port.
Kancern «Biełnaftachim» paviedamiŭ napiaredadni ab zaklučeńni ździełki z azierbajdžanskaj kampanijaj SOCAR na pastaŭku dvuch tankieraŭ nafty ahulnym abjomam 160 tys. ton, u sakaviku pačnucca pastaŭki nafty z terytoryi Ukrainy pa naftapravodzie Adesa — Brody.
