Pradukcyi ź biełaruskich NPZ dla ŭnutranaha rynku pastaŭlajecca ŭ dastatkovym abjomie, taksama zabiaśpiečvajecca krytyčny abjom ekspartu. Pra heta BIEŁTA zajaviŭ vice-premjer Ihar Lašenka.
«Dla ŭnutranaha rynku chapaje. Kali vyrašym pytańni z Rasijskaj Fiederacyjaj, buduć adnoŭleny astatnija abjomy pa eksparcie. Ale krytyčny abjom ekspartu my taksama vykonvajem», — skazaŭ Ihar Lašenka.
Jon zajaviŭ, što ŭ cełym u hetym hodzie na pierapracoŭku na biełaruskija NPZ pastaŭlajecca kala 1 młn t nafty ŭ miesiac. «Plus-minus u rajonie miljona ton pracujem», — skazaŭ vice-premjer.
Adkazvajučy na pytańnie, jaki abjom praduhledžany na sakavik, Ihar Lašenka zajaviŭ: «U takim ža abjomie, jak było ŭ studzieni i lutym. Heta značyć adpaviednaja efiektyŭnaść zahruzki vytvorčaściej».
Jon taksama nie ŭdakładniŭ, ź jakimi mienavita piaćciu rasijskimi kampanijami Biełaruś dadatkova damoviłasia ab pastaŭkach nafty, spasłaŭšysia na kamiercyjnuju tajnu.
