Publičnyja kampanii pa ŭsim śviecie za tydzień stracili 5 tryljonaŭ dalaraŭ z-za padzieńnia rynkaŭ na fonie pahrozy hłabalnaj epidemii karanavirusa, paviedamlaje Reuters.
Padzieńnie kacirovak na hetym tydni stała najmacniejšym z časoŭ suśvietnaha ekanamičnaha kryzisu 2008 hoda. Zvodny finansavy indeks MSCI, jaki adsočvaje situacyju na rynkach amal 50 krain, u piatnicu źniziŭsia bolš čym na 1 pracent, a za tydzień źniziŭsia amal na 10%.
Cana nafty marki Brent upała nižej za 50 dalaraŭ za baral upieršyniu sa śniežnia 2018 hoda.
Majskija fjučarsy tarhavalisia na ŭzroŭni 49,93 dalara za baral, što na 3,5% nižej kacirovak na zakryćcio papiarednich tarhoŭ.
Kaciroŭki fjučarsaŭ na WTI na krasavik na elektronnych tarhach na Ńju-jorkskaj tavarnaj biržy dniom padajuć na 4% — da 45,22 dalara za baral.
Padzieńnie z pačatku hetaha tydnia pieravyšaje 14% i źjaŭlajecca maksimalnym z 2011 hoda.
Uspyška karanavirusa ŭ Kitai surjozna paŭpłyvała na technałahičnuju halinu. Naprykład, na rynku smartfonaŭ u Kitai ŭ studzieni adbyŭsia rezki spad, piša Gizmochina.
Prodažy smartfonaŭ upali da 20,8 młn štuk — heta najhoršy pakazčyk za mnohija hady.
U pieršy miesiac 2020 hoda ŭnutranyja pastaŭki mabilnych telefonaŭ u Kitai rezka skaracilisia na 38,9%.
Ženieŭski aŭtasałon admianiajecca ŭpieršyniu z 1947 hoda paśla zabarony ŭradam Šviejcaryi na schody pamieram 1000 čałaviek praz zaniepakojenaść karanavirusam, paviedamlaje The Verge.
Zabarona budzie dziejničać da 15 sakavika. 90-j GIMS pavinien byŭ pačacca na nastupnym tydni.
