Kolkaść achviar novaha karanavirusa ŭ Kitai vyrasła da 2912, pavialičyŭšysia za sutki na 42 čałavieki, bolš za 44,4 tys. čałaviek vyzdaravieli, paviedamlajuć infarmahienctvy.
Kolkaść paćvierdžanych vypadkaŭ zaražeńnia na terytoryi Kitaja pieravysiła 80 tys.
Siarod rehijonaŭ pa kolkaści zaražanych pieršaje miesca zajmaje centralnaja pravincyja Chubej, dzie, pavodle apošnich źviestak, zarehistravana kala 67,1 tys. vypadkaŭ zachvorvańnia, 2803 čałavieka pamierli, vyzdaravieli kala 33,7 tys. pacyjentaŭ.
Karanavirusnaja infiekcyja pašyryłasia ŭžo na 58 krain. Za miežami Kitaja ad jaje pamierła bolš za 100 čałaviek. Najtryvožniejšaja situacyja — u Paŭdniovaj Karei, Iranie i Italii.
U Biełarusi na dadzieny momant viadoma pra troch asob, špitalizavanych z padazreńniem na karanavirus.
