Paŭnočnaja Kareja praviała pusk dvuch nieapaznanych snaradaŭ, paviedamlajuć infarmahienctvy sa spasyłkaj na Abjadnany kamitet načalnikaŭ štaboŭ Paŭdniovaj Karei.
«Paŭnočnaja Kareja siońnia, 2 sakavika, u siaredzinie dnia ažyćciaviła z rehijonu pablizu horada Vonsan pusk dźviuch nieapaznanych snaradaŭ u bok Japonskaha mora», — paviedamili vajskoŭcy.
Heta vyprabavańnie — pieršaje ŭ 2020 hodzie. Apošni raz KNDR zapuskała snarady małoj dalokaści, RSZA bujnoha kalibra ŭ bok Japonskaha mora 28 listapada 2019 hoda. Jany pralacieli 380 kiłamietraŭ, vyšynia skłała 97 kiłamietraŭ, čas pamiž dvuma puskami — 30 siekund.
Paźniej Pchieńjan zajaviŭ, što heta była «kančatkovaja pravierka» zvyšbujnoj puskavoj ustanoŭki RSZA.
Puskami kiravaŭ lidar Paŭnočnaj Karei Kim Čen Yn, jaki vykazaŭ «nadzvyčajnaje zadavalnieńnie» ich vynikam.
Letaś Paŭnočnaja Kareja vyprabavała 13 rakiet i reaktyŭnych snaradaŭ. U AAN nazyvajuć padobnyja mierapryjemstvy Pchieńjana parušeńniem rezalucyi Savieta biaśpieki.
