Byłaja hramadzianskaja žonka repiera biełaruskaha pachodžańnia Siarohi (Siarhieja Parchomienki) u siabie ŭ Instagram raspaviała, što jon nibyta skraŭ ich ahulnych dziaciej — 10-hadovaha Marka i dzieviacihadovaha Płatona, piša gazeta.ru
Pa słovach błohierki Paliny Ałało, vykanaŭca chita «Čorny bumier» admoviŭsia viartać synoŭ maci paśla taho, jak jany pravodzili ź im čas u Charkavie (Ukraina) uvosień. Palina śćviardžaje, što jon pieraškadžaje jaje kantaktam ź dziećmi i žorstka abychodzicca ź imi.
«Jany padviarhalisia žorstkim pakarańniam, stajali na hrečcy, prynižalisia ŭ hramadskich miescach (usio heta ja pišu sa słoŭ dziaciej). Psichičny stan majho małodšaha syna pahoršyŭsia, jon staŭ schilny da isteryk», — skardzicca žančyna, jakaja taksama vychoŭvaje dvuchhadovuju dačku Mielisu. Z dačkoj jana žyvie ŭ Kijevie. Maci taksama viadoma, što dzieci pierasiakali miažu Kryma, a značyć, mohuć znachodzicca ŭ Rasii.
Kanflikt Palina Ałało maje namier vyrašać u sudzie.
Sam Siaroha pakul nie adreahavaŭ na abvinavačańni.
Siarhiej Parchomienka naradziŭsia ŭ Homieli ŭ 1976 hodzie. Prasłaviŭsia dziakujučy pieśni «Čorny bumier», što stała pieśniaj hoda ŭ 2004 hodzie. Žyvie va Ukrainie. Treciaja žonka — Maryna Maćviejeva.
