Premjer-ministr Bałharyi Bojka Barysaŭ zajaviŭ, što «Hazprom» źniziŭ canu na haz dla respubliki na 40%.

«Hazprom» siońnia nam pieradaŭ padpisanuju damovu z samym vialikim źnižeńniem cany na pryrodny haz, bolš čym na 40%», — abviaściŭ Barysaŭ na pres-kanfierencyi, piša TASS.

Jon vyznačyŭ hetuju padzieju jak «simvaličny padarunak» da 142-j hadaviny vyzvaleńnia Bałharyi ŭ Ruska-tureckaj vajnie 1877—1878 hh., jakaja adznačajecca 3 sakavika, padkreśliŭšy, što dyviersifikacyja i kankurencyja realna źnižajuć ceny na haz.

Ministr enierhietyki Bałharyi Temienužka Pietkava, u svaju čarhu, adznačyła važnuju rolu, jakuju adyhrała Jeŭrapiejskaja kamisija padčas pieramovaŭ.

«Dziakujučy ŭmiašańniu Jeŭrakamisii my možam siońnia radavacca hetamu vydatnamu vyniku», — skazała ministr, nazvaŭšy źnižeńnie cany na haz biesprecedentnym.

Zhodna z raniejšym kantraktam u sakaviku, Bałharyja pavinna była zapłacić $265 za 1000 kubamietraŭ, u toj čas jak na biržy TTF hetaja kolkaść hazu kaštuje kala 110-130 dałaraŭ. H. zn. analityki ŭ Rasii prahnazujuć, što naohuł cana na haz dla Bałharyi ŭpadzie da $140.

Клас
0
Панылы сорам
0
Ха-ха
0
Ого
0
Сумна
0
Абуральна
0