Fota Iryny Arachoŭskaj
Nacyjanalny bank Biełarusi (NBB) prapanavaŭ kamiercyjnym bankam uvieści ŭ abaviazkovuju kamunikacyju z klijentami biełaruskuju movu, u tym liku zabiaśpiečyć biełaruskamoŭnyja viersii sajtaŭ i mabilnych dadatkaŭ, piša Interfax.by
«U Nacbank pastupajuć zvaroty hramadzian z prośbaj zabiaśpiečyć zachavańnie ich pravoŭ u vybary movy pry ažyćciaŭleńni bankaŭskaha absłuhoŭvańnia. Tak, u pryvatnaści, biełaruskamoŭnyja hramadzianie prosiać vykarystoŭvać biełaruskuju movu naroŭni z ruskaj movaj pry infarmavańni i pradastaŭleńni bankaŭskaj supolnaściu finansavych pasłuh nasielnictvu», — havorycca ŭ liście Asacyjacyi biełaruskich bankaŭ (ABB) na adras bankaŭ, tekstam jakoha vałodaje ahienctva.
U suviazi z hetym Nacbank źviarnuŭsia ŭ ABB. Rehulatar prosić bankaŭskuju supolnaść razhledzieć mahčymaść «dapracoŭki interfejsa, jaki vykarystoŭvajecca ŭ bankamatach i infakijoskach na terytoryi krainy, mabilnaha bankinhu i internet-bankinhu z metaj adlustravańnia adpaviednaj infarmacyi ŭ tym liku na biełaruskaj movie».
Taksama bankam prapanujecca «razhledzieć mahčymaść zabieśpiačeńnia pracy biełaruskamoŭnaj viersii aficyjnaha sajta banka, niabankaŭskaj kredytna-finansavaj arhanizacyi ŭ internecie i afarmleńnia pa patrabavańni klijenta na biełaruskaj movie źviazanych z bankaŭskim absłuhoŭvańniem dakumientaŭ, uklučajučy damovy».
ABB zapytała ŭ bankaŭ mierkavańnie.
