Pakul jašče nielha acanić usie nastupstvy rezkaha źnižeńnia cen na naftu i devalvacyi rasijskaha rubla. Pra heta BIEŁTA zajaviŭ premjer-ministr Biełarusi Siarhiej Rumas, kamientujučy situacyju na adpaviednych rynkach i toje, jak heta ŭpłyvaje na Biełaruś.
Dalar padskočyŭ adrazu na dzieciać kapiejek da 2,35 biełaruskaha, a jeŭra ŭžo 2,67
Ceny na naftu abrynulisia da 31 dalara: na 30%
«Dumaju, zaraz jašče nielha acanić usie nastupstvy devalvacyi rasijskaha rubla i rezkaha źnižeńnia cen na naftu. Budziem hladzieć, jak budzie raźvivacca situacyja. Rasijanie vypuścili zajavu, što Minfin budzie pradavać valutu. Heta takoje nieardynarnaje rašeńnie. I pieršyja niekalki dzion hetaha tydnia pakažuć, jak budzie raźvivacca situacyja z rasijskim rublom. Adpaviedna, i naš Nacyjanalny bank, zychodziačy z hetaha, budzie vybudoŭvać svaju stratehiju», — adznačyŭ premjer-ministr.
«U lubym vypadku, Nacyjanalny bank budzie prytrymlivacca rynkavych tendencyj i nie budzie štučna strymlivać biełaruski rubiel», — zajaviŭ Siarhiej Rumas.
Adkazvajučy na pytańnie, ci buduć zadziejničany niejkija reziervy, kiraŭnik urada skazaŭ: «Kali Nacyjanalny bank budzie aryjentavacca na rynkavuju kanjunkturu popytu i prapanovy, to heta nie budzie pryvodzić da zališniaha raschodavańnia zołatavalutnych reziervaŭ. U hetym zaklučajecca jaho stratehija».
Siarhiej Rumas taksama adkazaŭ na pytańnie, jakija plusy ci minusy dla Biełarusi niasie ŭ sabie padzieńnie cen na naftu ŭ śviecie. «Heta siońnia dadatkovyja mahčymaści damovicca z Rasijskaj Fiederacyjaj. Bo situacyja, jakaja jość siońnia, značna adroźnivajecca ad situacyi ŭ śniežni abo studzieni», — skazaŭ jon.
Premjer-ministr paćvierdziŭ, što heta takim ža čynam upłyvaje i na pieramovy z alternatyŭnymi pastaŭščykami nafty.
