Bresckaje «Dynama» vyjhrała treci Supierkubak zapar. Fota: «Dynama-Brest»
Bolš padrabiazna pra mižsiezonnyja źmieny ŭ kłubach my raskažam u anonsie pieršaha tura čempijanatu. Pakul ža źvierniem uvahu na raskłady pieršych čverćfinalnych matčaŭ, jakija adbuducca ŭ paniadziełak i aŭtorak.
«Tarpieda-BiełAZ» — «Šachcior»
- 09.03, 18:00. Žodzina, stadyjon «Tarpieda».
- Kaeficyjenty: «Tarpieda» (pieramoha) — 4.333; ničyja — 3.54; «Šachcior» (pieramoha) — 1.76.
Juryj Puntus nie nadta paśpiachova pačaŭ svoj šlach u jakaści treniera žodzinskaj «Tarpiedy», da taho ž nie zmoh vyklikać prychilnaść da siabie z boku fanataŭ.
U mižsiezoncy trenier raspačaŭ maštabnuju pierabudovu kamandy. Na miesca letašnich lidaraŭ kštałtu Bahdana Myšenki i Uładzisłava Klimoviča pryjšli hulcy kudy nižejšaha kłasu. A mety pastaŭleny vysokija — pieršaja trojka. Dasiahnuć jaje budzie niejmavierna składana, kali nie skazać, što niemahčyma.
U Salihorsku taksama źmieny. Juryj Viernidub mianiaje hulniavy počyrk kamandy, što možna było nazirać padčas Supierkubka. Pładoŭ heta pakul što nie dało, ale «Šachcior» słabiejšym vidavočna nie staŭ.
Prahnoz «NN»: pieramoha «Šachciora».
«Dynama-Minsk» — BATE
- 09.03, 20:00. Minsk, stadyjon «Dynama».
- Kaeficyjenty: «Dynama» (pieramoha) — 4.65; ničyja — 3.60; BATE (pieramoha) — 1.70.
Pieršaje za doŭhi čas mižsiezońnie biez čempijonstva prajšło dla BATE davoli spakojna. Udałosia paźbiehnuć surjoznych kadravych strat (chiba što Alaksiej Ryjas pierajšoŭ u minskaje «Dynama»), a siarod navičkoŭ akazalisia daŭnija znajomyja: Pavieł Niachajčyk i Alaksandr Vaładźko.
U minskaha «Dynama» znoŭ kadravy karahod. Ale skład u «bieła-błakitnych» padabraŭsia davoli bajavity. Budzie cikava panazirać, jak siabie prajaviać u novym kłubie Ivan Bachar, Jaŭhien Šykaŭka i ŭžo zhadanyja Klimovič z Ryjasam.
Siarod navičkoŭ «Dynama» jość navat pieršy ŭ našym futbole karejec Kim. Fota: «Dynama-Minsk»
Viadoma, što na stvareńnie hulniavoj «chimii» patrebny čas, i kubkavy ispyt suprać BATE moža akazacca vielmi surjoznym. Ale zdajecca, što čakać jaskravaha matča nie varta.
Prahnoz «NN»: totał mienšy za 2.5.
U suviazi sa źniknieńniem mahiloŭskaha «Dniapro» ŭ paŭfinał aŭtamatyčna traplaje mazyrskaja «Słavija».
Dzialiciesia prahnozami ŭ kamientarach. Kali ličycie siabie ekśpiertam u biełaruskim futbole, zrabicie staŭku ŭ Bukmiekierskaj kantory Marafon!