4 sakavika apieratyŭniki kryminalnaha vyšuku UUS Homielskaha abłvykankama pry siłavoj padtrymcy bajcoŭ AMAPa zatrymali padazravanaha ŭ ździajśnieńni razbojnych napadaŭ na bankaŭskija ŭstanovy ŭ Homielskim rajonie, paviedamiła aficyjny pradstaŭnik MUS Volha Čamadanava ŭ svaim telehram-kanale.
Nahadajem, 10 studzienia chłopiec pad pahrozaj pradmieta, padobnaha na pistalet, zavałodaŭ vialikaj sumaj hrošaj u adździaleńni banka ŭ pasiołku Balšavik.
Praz dva miesiacy była ździejśnienaja sproba zavałodać hrašyma ŭ adździaleńni banka ŭ ahraharadku Babovičy. Dziakujučy śmiełaści i vytrymcy bankaŭskaha rabotnika, zabrać hrošy druhi raz złamyśniku nie ŭdałosia.
Dla raskryćcia dadzienych złačynstvaŭ była stvorana apieratyŭnaja hrupa, u jakuju ŭvajšli samyja daśviedčanyja syščyki. U vyniku karpatlivaj pracy asoba padazravanaha ŭstanoŭlena, jon zatrymany.
Im akazaŭsia 25-hadovy hamialčanin. Žanaty, raniej nie sudzimy, vučycca na zavočnym adździaleńni adnoj z VNU.
