U adpaviednaści z rasparadžeńniem ministra abarony 9 sakavika va Uzbrojenych Siłach pačaŭsia druhi etap kompleksnaj pravierki bajavoj i mabilizacyjnaj hatoŭnaści vojskaŭ pad kiraŭnictvam načalnika Hienštaba hienierał-majora Alaksandra Valfoviča, paviedamlaje Minabarony.
U vyšejšyja stupieni bajavoj hatoŭnaści pryvodziacca šerah vajskovych častak i padraździaleńniaŭ Uzbrojenych Sił.
U chodzie pravierki budzie ažyćciaŭlacca kompleks mabilizacyjnych mierapryjemstvaŭ, u vyniku jakoha bolš za tysiaču vajskoŭcaŭ pryzavuć z zapasu.
Meta — pravierka zdolnaści vajskovych čaściej vykanać zadačy pa pryznačeńni ŭ dynamičnaj abstanoŭcy dniom i nočču, a taksama ŭdaskanaleńnie taktyčnaj vyvučki vojskaŭ.
Akramia taho, budzie ažyćciaŭlacca pravierka stanu ŭzbrajeńnia, vajennaj i śpiecyjalnaj techniki, u tym liku toj, jakaja znachodzicca na zachoŭvańni.
U praviercy budzie zadziejničana kala šaści tysiač vajskoŭcaŭ i bolš za dźvieście adzinak techniki.
Asnoŭnaja ŭvaha budzie nadadziena pytańniam arhanizacyi ŭzajemadziejańnia, kiravańnia i ŭsiebakovaha zabieśpiačeńnia vojskaŭ.
Pravierka zavieršycca praviadzieńniem kompleksnaha taktyčnaha vučeńnia, padčas jakoha budzie dadziena acenka zdolnaści vojskaŭ vykanać pastaŭlenyja zadačy.
