Zamiest nabytaj u internet-kramie mahnitoły hrodzieniec vyjaviŭ u pasyłcy miašečki ź piaskom. Pra heta BiełTA paviedamili ŭ hrupie infarmacyi i hramadskich suviaziej Kastryčnickaha RAUS Hrodna.
Mužčyna adšukaŭ u internecie abviestku pra prodaž aŭtamabilnych mahnitoł i zamoviŭ tavar. Nieŭzabavie ź im źviazałasia apieratar kramy, jakaja patłumačyła, što mahnitołu vyšluć pa pošcie z nakładnoj płataj. Zabrać pasyłku možna było tolki paśla apłaty tavaru, košt jakoha składaŭ bolš jak 100 rubloŭ.
«Adnak u skryncy mužčyna vyjaviŭ tolki korpus ad mahnitoły i dva miašečki ź piaskom. Sproby datelefanavacca na numar koł-centra, ź jakoha ŭdakładnialisia padrabiaznaści pa pierasyłcy, byli biespaśpiachovymi — abanient byŭ zabłakavany», — raspaviali ŭ milicyi. Mužčyna źviarnuŭsia da pravaachoŭnikaŭ, jany raspačali kryminalnuju spravu pa artykule «Machlarstva».
