Arciom Šrajbman patłumačyŭ, jakoj bačyć palityčnuju rolu pres-sakratarki Łukašenki Natalli Ejsmant. Pra heta havaryłasia ŭ prahramie «Tok» z Nastaśsiaj Roŭdaj.
Natalla Ejsmant. Fota Nadziei Bužan
— Kačanava i Ejsmant — hetyja žančyny majuć niejki palityčny ŭpłyŭ, niejkuju moc?
— Biezumoŭna! Pakolki ŭsie važnyja palityčnyja rašeńni prymaje asabista Łukašenka ci moža nakłaści na ich vieta, kali ich pryniaŭ inšy orhan, to tyja, chto farmuje karcinu dnia Łukašenki, jaho pohlad na śviet, — heta, pa sutnaści, ledźvie nie samyja važnyja šeryja kardynały ŭ krainie.
Ciapier Natalla Ejsmant, zhodna z usimi mahčymymi źlivami i publičnaj infarmacyjaj, farmuje infaparadak dnia Łukašenki: jana prynosić jamu toje, što pra jaho pišuć, i toje, što jana nie choča prynosić, jana, mabyć, nie prynosić. Tamu my vielmi niedaaceńvajem vahu hetaha čałavieka.
Asabliva ŭličvajučy, što Łukašenka apošnija paru hod prosta spračajecca ź internetam: u publičnych vystupach, na naradach pačynaje spračacca ź niejkim błohieram, telehram-kanałam.
Jon navat Pucinu pra heta havaryŭ. Kazali, što paru tydniaŭ tamu jon pryznaŭsia, što Pucinu prynosiŭ razdrukoŭki taho, što pra jaho pišuć u telehramie i rasijskich ŚMI. Jon vielmi čujny da taho, što pra jaho pišuć, heta jašče z 90-ch nie prajšło. U hetaj situacyi čałaviek, jaki kantraluje toje, što traplaje da jaho na stoł, — heta ledź nie druhi pa ŭpłyvovaści čałaviek, nasamreč.
- 0:35 — kali sutykaŭsia z antysiemityzmam,
- 2:54 — što padabajecca i nie padabajecca ŭ Izraili,
- 5:36 — ci adčuvaje siabie biełaruskim patryjotam,
- 5:48 — pra panty na fakultecie mižnarodnych adnosin BDU,
- 8:55 — hałoŭnaja prablema biełaruskaj adukacyi,
- 11:26 — čamu spačatku nie ŭziali na Tut.by,
- 13:25 — chto navučyŭ žurnalistycy,
- 15:05 — samacenzura,
- 16:57 — čamu nie pisaŭ pra fienomien Koli Łukašenki,
- 17:28 — čamu nie zakranaje temu žančyn u asiarodździ Łukašenki,
- 18:59 — jak vierbavali ŭ KDB,
- 20:30 — jak rabić palityčnuju analityku bieź insajdaŭ,
- 23:47 — palityčnaja situacyja ŭ Biełarusi,
- 27:59 — ci varta čakać bolš žorstkaha dziaržaŭnaha kiravańnia,
- 29:22 — čamu chodzić na vybary i za kaho hałasavaŭ u 2010-m,
- 33:04 — jak stavicca da Moładzievaha błoka,
- 35:21 — što moža razvarušyć biełaruskuju apazicyju,
- 36:58 — chto samy mocny biełaruski apazicyjny palityk,
- 37:27 — chto, kali nie Łukašenka,
- 39:55 — kali i jak sydzie Łukašenka,
- 41:39 — ci źmienicca štości ŭ palityčnym płanie ŭ bližejšyja piać hod,
- 42:20 — ci stanie žančyna prezidentam Biełarusi,
- 43:28 — ci majuć Natalla Kačanava i Natalla Ejsmant palityčnuju moc,
- 45:18 — pra pieršy šlub,
- 48:13 — jakija žančyny padabajucca,
- 49:01 — što dumaje pra fieministak i ci sam fieminist.
«Tok» ź Siarhiejem Čałym
«Tok» ź Viktaram Babarykam
«Tok» z Tadevušam Kandrusievičam
