Alaksandr Łukašenka padpisaŭ ukaz numar 100 «Ab vajennaj formie adzieńnia i znakach adroźnieńnia pa voinskich zvańniach vajennasłužačych».
Fota Siarhieja Hudzilina
Dakumient zaćviardžaje pieralik pradmietaŭ vajennaj formy adzieńnia vajennasłužačych Uzbrojenych Sił, orhanaŭ pahraničnaj słužby i dziaržaŭnaj biaśpieki, unutranych vojskaŭ Ministerstva ŭnutranych spraŭ, Słužby biaśpieki prezidenta Biełarusi, Apieratyŭna-analityčnaha centra pry prezidencie Biełarusi i apisańnie znakaŭ adroźnieńnia pa voinskich zvańniach.
Ukazam admienieny ŭstarełyja (niazručnyja dla našeńnia) i ŭviedzieny novyja pradmiety vajennaj formy, źmienieny madeli isnujučych pradmietaŭ adzieńnia dla pašyreńnia ich funkcyjanalnaści, zabieśpiačeńnia zručnaści pry našeńni z ulikam śpiecyfiki zadač, što vykonvajucca vajennasłužačymi.
Taksama ŭ dakumiencie vyznačany paradak zaćviardžeńnia apisańnia i pravił našeńnia vajennaj formy, norm zabieśpiačeńnia takimi pradmietami.
