Adbyłasia telefonnaja razmova Siarhieja Rumasa i Michaiła Mišuścina, paviedamlaje pres-słužba rasijskaha Kabinieta ministraŭ. Premjery krain abmierkavali miery pa supraćdziejańni karanavirusnaj infiekcyi, a taksama handlova-ekanamičnyja adnosiny i intehracyjnyja pytańni.
— Kiraŭniki ŭradaŭ adznačyli dasiahnieńnie pryncypovych damoŭlenaściaŭ pa paramietrach supracoŭnictva ŭ naftavaj śfiery, jakija ŭličvajuć uzajemnyja intaresy bakoŭ. Realizacyja hetych damoŭlenaściaŭ dazvolić zabiaśpiečyć pastaŭku rasijskaj nafty na naftapierapracoŭčyja pradpryjemstvy Respubliki Biełaruś u poŭnym abjomie i na ŭzhodnienych umovach, — havorycca ŭ paviedamleńni.
Abmiarkoŭvalisia taksama miery pa supraćdziejańni karanavirusnaj infiekcyi. Rumas pazityŭna acaniŭ rašeńnie ŭrada Rasii zabiaśpiečyć tranzit praz terytoryju Rasii hramadzian Biełarusi, jakija viartajucca na radzimu avijacyjnym transpartam z trecich krain.
