Kancler Niamieččyny Anhieła Mierkiel i premjer-ministry fiederalnych ziamiel u ramkach telefonnaj kanfierencyi, jakaja prajšła ŭ niadzielu, 22 sakavika, damovilisia zrabić jašče bolš žorstkimi karancinnyja miery z-za epidemii karanavirusa ŭ Hiermanii, pieradaje dw.com.

Asnoŭny punkt: bolš za dva čałavieki nie źbiracca. Vyklučeńnie zroblena dla členaŭ siamji, a taksama ludziej, jakija žyvuć adzinaj chatniaj haspadarkaj.

Kantakty ź inšymi ludźmi nieabchodna abmiežavać da minimumu. Dla hetaha, u pryvatnaści, zachoŭvać dystancyju nie mienš za 1,5 mietra ad najbližejšaha čałavieka ŭ hramadskich miescach.

Usie kafe i restarany pavinny być začynienyja. Anałahičnaje tyčycca pasłuh u vobłaści asabistaj hihijeny, u tym liku cyrulniaŭ i kaśmietyčnych studyj.

Ale, zhodna z pahadnieńniem, pa-raniejšamu dazvalajucca pajezdki na pracu abo dla dapamohi inšym ludziam. Indyvidualnyja zaniatki sportam i fizičnyja praktykavańni na śviežym pavietry buduć pa-raniejšamu mahčymyja.

Parušeńni abmiežavańniaŭ pa kantaktach buduć kantralavacca administracyjnymi orhanami i palicyjaj. Pa słovach premjera Paŭnočnaha Rejna — Viestfalii Armina Łašeta, parušeńni buduć karacca štrafami až da 25 tysiač jeŭra.

Novyja praviły buduć dziejničać na praciahu najbližejšych dvuch tydniaŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?