U redakcyi «Ježiednievnika» pravodzicca pieratrus, piša Tut.by.

U sieradu, 25 sakavika, u Minsku Departamient finansavych rasśledavańniaŭ KDK zatrymaŭ hałoŭreda viadomaha dziełavoha anłajn-vydańnia «Ježiednievnik» Siarhieja Sacuka. Jaho dapytali ŭ jakaści padazravanaha i pakinuli pad vartaj na troje sutak.

U čaćvier, 26 sakavika, u ofis «Ježiednievnika» pryjechali dvoje supracoŭnikaŭ razam z bratam zatrymanaha Alaksandram Sacukom. U jaho prysutnaści pravodzicca ahlad dakumientaŭ. Jurysta BAŽ Aleha Ahiejeva ŭ jakaści paniatoha da vobšuku nie dapuścili.

— Pryjechali dvoje supracoŭnikaŭ, nie nazvalisia, adkul jany, tolki imia adzin skazaŭ — Mikałaj. Ale raz jaho zatrymlivaŭ DFR, dumaju, jany adtul. Zaraz u prysutnaści Alaksandra Sacuka pravodziać vyjemku dakumientaŭ. Mianie paprasili pačakać na vulicy. Techniki ŭ ofisie ja tam asablivaj nie zaŭvažyŭ, nie ŭpeŭnieny, što tam jość technika, jakuju možna kanfiskavać, hladziać dakumienty, — raspavioŭ Ahiejeŭ.

Taksama siońnia «Jeŭraradyjo» apublikavała tekst, jaki Siarhiej Sacuk pakinuŭ redakcyi niekalki miesiacaŭ tamu na vypadak svajho zatrymańnia. U im jon raspaviadaje pra pryčyny, pa jakich moža być zatrymany, i pra pahrozy, jakija atrymaŭ u svoj adras ad «hanca» — pradstaŭnika biźniesmiena ź śfiery achovy zdaroŭja.

Клас
0
Панылы сорам
0
Ха-ха
0
Ого
0
Сумна
0
Абуральна
0