Kompleks u vioscy Aleksandryja-2, jaki miascovyja nazyvajuć «rezidencyjaj prezidenta», nasamreč naležyć źviazanaj ź biznesmienam Alaksiejem Aleksinym kampanii «Biełnaftahaz». Heta vynikaje z danych adzinaha dziaržrehistra nieruchomaj majomaści Biełarusi. Akramia hetaha kompleksu, u vioscy prykładna na 30 dvaroŭ znachodzicca baćkoŭski dom Alaksandra Łukašenki, a ŭ kancy 2019 hoda tut adkryłasia hanarovaje konsulstva Hruzii, jakoje ŭznačalvaje jašče adzin upłyvovy biznesoviec — Siarhiej Ciacieryn. Jak usio heta vyhladaje, raspaviadaje TUT.BY.

Foto: Anžielika Vasilevskaja, TUT.BY

Što heta za Aleksandryja-2?

Vioska Aleksandryja ŭ Škłoŭskim rajonie padzielena na dźvie častki: staraja i novaja, jak kažuć staražyły. Padzialaje ich čyhunka — na miažy znachodzicca adnajmiennaja čyhunačnaja stancyja. Vonkava dźvie častki vioski taksama trochi adroźnivajucca.

Aleksandryja-2 prykładna na 30 dvaroŭ ujaŭlaje saboj dźvie nievialikija vulicy, jakija ŭtvarajuć koła. U jaho centry — jabłynievy sad.

Foto: Anžielika Vasilevskaja, TUT.BY

Tut idealna roŭnyja darohi, uzornyja domiki AAT «Aleksandryjskaje», niekalki damoŭ bolš starych, krama, łaźnia i adnoŭlenaja baćkoŭskaja chata Alaksandra Łukašenki.

Foto: Anžielika Vasilevskaja, TUT.BY

Jak vyhladaje kompleks, jaki nazyvajuć «rezidencyjaj»

Praktyčna nasuprać jaje — kompleks ź dziasiatkam kamier nazirańnia i biez apaznavalnych znakaŭ na bierazie raki. Voś jaho prykładnyja miežy:

Na terytoryi, jakaja prahladajecca nie całkam, raźmieščana niekalki adnapaviarchovych budynkaŭ, jakija nahadvajuć haściavyja damy, i dvuchpaviarchovy draŭlany katedž. Jość tut taksama łaźnia i altanki. Pobač z kompleksam — viertalotnaja placoŭka.

Foto: Anžielika Vasilevskaja, TUT.BY

Foto: Anžielika Vasilevskaja, TUT.BY

Cieraz płot ad katedža — zakrytaja płotam z ščylnaj sietkaj spartyŭnaja placoŭka. Jana padzielena na zony dla hulni ŭ baskietboł, valejboł, vialiki tenis i mini-futboł. U vyznačanyja hadziny tut možna zajmacca biaspłatna ŭsim achvotnym.

Foto: Anžielika Vasilevskaja, TUT.BY

Miascovyja kažuć, što ŭ hetym kompleksie spyniajecca Alaksandr Łukašenka, a taksama prymaje haściej, jakija pryjazdžajuć, naprykład, na śviata Kupalle. Tamu žychary Aleksandryi nazyvajuć heta miesca rezidencyjaj prezidenta. Ale, jak akazałasia, heta nie tak.

Hety ziamielny ŭčastak płoščaj 3,15 hiektara na pravie arendy naležyć kampanii «Biełnaftahaz», jakaja źviazanaja z bujnym i ŭpłyvovym biznesmienam Alaksiejem Aleksinym. Jamu siarod inšaha taksama padkantrolnaja kampanija «Enierha-Oił», jakaja zajmajecca «Tabakierkami», i MTBank.

Foto: Anžielika Vasilevskaja, TUT.BY

Što ž tyčycca kompleksu ŭ Aleksandryi, to hetaja ziamla pieradadziena ŭ arendu «Biełnaftahaz» z 2012 pa 2111 hady. Hadavaja arendnaja płata — 758 rubloŭ. Metavaje pryznačeńnie ŭčastka — dla budaŭnictva i absłuhoŭvańnia abjekta «Kompleks pa absłuhoŭvańni delehacyj u vioscy Aleksandryja-2». Sam kompleks taksama naležyć «Biełnaftahazu».

U 2019 hodzie hetaj kampanii taksama byŭ pradstaŭleny susiedni ŭčastak u 0,7 hiektara dla budaŭnictva doma haściničnaha typu, jaki ŭžo praktyčna zavieršany.

Foto: Anžielika Vasilevskaja, TUT.BY

Hadavaja arendnaja płata za hetuju ziamlu — 286 rubloŭ. Termin arendy — da vosieni 2118 hoda.

Foto: Anžielika Vasilevskaja, TUT.BY

A što ŭjaŭlaje saboj hanarovaje konsulstva Hruzii?

Niedaloka ad kompleksu «Biełnaftahaz» raźmieščany jašče adzin cikavy abjekt — pabudavany ŭ 2015 hodzie dom biznesmiena, kiraŭnika Biełaruskaj tenisnaj fiederacyi i hanarovaha konsuła Hruzii ŭ Biełarusi Siarhieja Ciacieryna. Mienavita tut u kancy 2019 hoda jon adkryŭ hanarovaje konsulstva hetaj krainy.

Foto: Anžielika Vasilevskaja, TUT.BY

Kampanii Ciacieryna zajmajucca dystrybucyjaj praduktaŭ i ałkaholu, hramadskaha charčavańnia (jak minimum — bar «Svabody, 4»), a taksama źbirajucca budavać šmatfunkcyjanalny kompleks nasuprać Pałaca niezaležnaści ŭ Miensku. Biznesmien viadomy taksama tym, što dałučyŭ Alaksandra Łukašenku da vialikaha tenisa.

Foto: Anžielika Vasilevskaja, TUT.BY

Dom Ciacieryna ŭ Aleksandryi maje ahulnuju płošču ŭ 160 kvadratnych mietraŭ. Raźmieščany na ŭčastku ŭ 0,24 hiektara.

Pa susiedstvie z abjektami Ciacieryna i «Biełnaftahazu» stajać damy, jakija naležać AAT «Aleksandryjskaje».

Foto: Anžielika Vasilevskaja, TUT.BY

Miarkujučy pa ŭsim, tam žyvuć rabotniki haspadarki. Kala adnaho ź ich staić Audi 80 z pačatku 90-ch. Kala inšych — časam parkujucca prestyžnyja mašyny z kanca 2010-ch.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?