Biełaruś nie zastałasia ŭ baku ad ekanamičnaha štormu, vyklikanaha karanavirusam. Z ulikam hetaha raspracavany prajekt kompleksu mier pa zabieśpiačeńni stabilnaj raboty ekanomiki, zajaviŭ premjer-ministr Siarhiej Rumas, paviedamlaje BiełTA.

Fota BiełTA.

Fota BiełTA.

«U suviazi z epidemijałahičnymi pracesami ŭ śviecie imkliva mianiajecca ekanamičnaja situacyja. Biahučaje stanovišča ŭ suśvietnaj ekanomicy ŭžo atrymała trapnaje aznačeńnie «cunami ekanamičnaha razbureńnia». Biełaruś, niahledziačy na ​​kantralavanuju abstanoŭku pa raspaŭsiudzie karanavirusa, nie zastałasia ŭ baku ad ekanamičnaha štormu», — adznačyŭ Siarhiej Rumas.

Pa daručeńni ŭrada, Minekanomiki razam z zacikaŭlenymi asobami raspracavała i ŭniesła pakiet mier pa zabieśpiačeńni stabilnaj raboty ekanomiki.

Kiraŭnik urada padziakavaŭ staršyni praŭleńnia Nacyjanalnaha banka Paŭłu Kałaŭru za apieratyŭnyja rašeńni, pryniatyja ŭ kredytnaj śfiery. Premjer-ministr pryvioŭ kiraŭnikam dziaržorhanaŭ Nacbank u prykład, jak treba apieratyŭna reahavać u takoj situacyi.

Pa vynikach pasiadžeńnia płanujecca ŭnieści adpaviednyja prapanovy Łukašenku.

Клас
0
Панылы сорам
0
Ха-ха
0
Ого
0
Сумна
0
Абуральна
0