Źviestki za apošni tydzień pakazvajuć, što kolkaść novych paćvierdžanych vypadkaŭ zachvorvańnia COVID-19 upieršyniu źmienšyłasia, i heta aznačaje, što Estonija pačała pieraadolvać pik raspaŭsiudžvańnia virusa, paviedamiŭ u piatnicu premjer-ministr Jury Ratas, piša ERR.

«My dasiahnuli pierałomnaha momantu ŭ nadzvyčajnaj situacyi: upieršyniu danyja za tydzień pakazvajuć, što kolkaść novych paćvierdžanych vypadkaŭ zachvorvańnia COVID-19 źmienšyłasia. Heta aznačaje, što pačaŭsia zvarotny adlik, i my pačali pieraadolvać pik raspaŭsiudžvańnia virusa», — napisaŭ Ratas u piatnicu na svajoj staroncy ŭ Facebook.

Pavodle acenki kiraŭnika ŭrada, zaraz jość padstavy dla taho, kab pačać kazać pra pastupovaje źmiakčeńnie abmiežavańniaŭ z nastupnaha tydnia.

«Skaračeńnie kolkaści novych paćvierdžanych vypadkaŭ zachvorvańnia paćviardžaje, što ciapierašnija abmiežavańni pracujuć i ŭsie namahańni ludziej nie prajšli marna», — napisaŭ premjer-ministr.

Клас
0
Панылы сорам
0
Ха-ха
0
Ого
0
Сумна
0
Абуральна
0