U piatnicu padčas naviedvańnia škłozavoda «Nioman» u Lidskim rajonie Alaksandr Łukašenka sustreŭsia z kalektyvam. Ničoha niezvyčajnaha, kab nie adna detal. U pieršym šerahu razam z supracoŭnikami zavoda ŭ siniaj uniformie stajała pres-sakratarka rajona Maryna Hryhorjeva. 

Skrynšot ź videa telehram-kanała «Puł Pieršaha». Maryna Hryhorjeva — krajniaja sprava

Skrynšot ź videa telehram-kanała «Puł Pieršaha». Maryna Hryhorjeva — krajniaja sprava

Inšyja čynoŭniki, jakich možna zaŭvažyć na sustrečy, stajać u dziełavych kaściumach, biez chałataŭ.

«Naša Niva» patelefanavała Marynie Hryhorjevaj i spytała: niaŭžo heta zvyčajna praktyka — stajać u formie ŭ pieršych šerahach?

Fota tv-lida.by

Fota tv-lida.by

«Nie, heta nie zvyčajnaja praktyka. Maja zadača była prosta hladzieć, kab ludzi stajali roŭna, nie pierachodzili liniju peŭnuju. Voś i ŭsio. Absalutna nijakaj kramoły.

Dla kadra było pryniata takoje rašeńnie. Nie zusim udałaje, ja zhodnaja. Forma była nie pa pryznačeńni vykarystana, tolki dziela pryhožaj karcinki», — patłumačyła pres-sakratarka rajona.

«Na inšych zavodach vy taksama apranajecie formu?»

«Nie, nu što vy havorycie!» — zapeŭniła jana.

Pytańniaŭ padčas taho vizitu Maryna Hryhorjeva nie zadavała.

«Ja adziny čałaviek [z administracyi], jaki tam apynuŭsia, prosta ŭ mianie była inšaja misija. Astatnija ŭsie, jak i naležyć, — supracoŭniki zavoda. Možacie nie sumniavacca».

Na sustrečy z kiraŭnikom krainy ludzi stajać davoli ščylna. Pacikavilisia ŭ pres-sakratarki, ci nie prapanoŭvali im dla biaśpieki nadzieć maski.

«Vy bačycie, što kolkaść ludziej była vielmi nievialikaja, vyklučna ŭ hetych metach», — prakamientavała jana prafiłaktyčnyja miery.

Raniej Maryna Hryhorjeva pracavała karespandentkaj na Lidskim telebačańni. Pasadu pres-sakratarki rajona jana zaniała ŭ studzieni hetaha hoda.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?