Prezidenckija vybary ŭ Biełarusi pryznačanyja na 9 žniŭnia. Kiraŭnik CVK Lidzija Jarmošyna sprahnazavała, kolki budzie ŭ vyniku kandydataŭ, piša sb.by.
«Novyja asoby ŭ Internecie ja baču. A voś ci źbiaruć hetyja novyja asoby podpisy — nie viedaju. Chaciełasia b: heta zaŭsiody cikava, heta zaŭsiody pavyšaje cikavaść da vybaraŭ i, takim čynam, jaŭku vybarščykaŭ», — skazała jana.
Lidzija Jarmošyna paviedamiła taksama, što zvyčajna na prezidenckich vybaraŭ padpisnyja asoby rychtujucca z raźliku na 10 inicyjatyŭnych hrup dla zboru podpisaŭ dla vyłučeńnia kandydataŭ:
«Kali hetych hrup budzie mienš, my prosta dzielim na ich astatnija błanki. U 2010 hodzie ŭ nas było 10 inicyjatyŭnych hrup i kandydataŭ, piać hadoŭ tamu — 4. Na pieršych vybarach było 8 kandydataŭ. Zaŭsiody pa-roznamu.
Dumaju, na ciapierašnich vybarach kolkaść kandydataŭ budzie ŭ miežach piaci, nie bolš», — skazała kiraŭnik CVK.
