Jak paviedamlaje pravaabaronca Leanid Sudalenka, 8 maja aryštavanaha na 15 sutak Siarhieja Cichanoŭskaha ŭ izalatary časovaha ŭtrymańnia Homiela naviedaŭ advakat. Błohier aryštavany pa pastanovie suda ad 10 studzienia ŭ suviazi z tym, što nie adsiedzieŭ 15 sutak aryštu, na volu jon pavinien vyjści tolki 21 maja, piša gomelspring.org.
Stvaralnik Youtube-kanała «Kraina dla žyćcia» daviedaŭsia pra abviaščeńnie ŭ krainie prezidenckich vybaraŭ i padzialiŭsia svaimi płanami ab udziele ŭ vybarčaj kampanii. Ź jaho słoŭ, niekalki čałaviek majuć davieranaści, u tym liku i na padaču ŭ CVK ad jaho imia nieabchodnych dakumientaŭ dla rehistracyi inicyjatyŭnaj hrupy. Paśla vyzvaleńnia ź IČU jon maje namier pačać paŭnavartasnuju vybarčuju kampaniju.
Nahadajem, 6 maja Siarhieja Cichanoŭskaha zatrymali pad Mahilovam. U MUS zajavili, što padstavaj dla zatrymańnia błohiera stała pastanova suda Savieckaha rajona horada Homiela ab administracyjnym aryšcie.
Ułady pryznačyli vybary na 9 žniŭnia, a nie na 30 žniŭnia, jak mierkavałasia raniej.
Padać dakumienty na rehistracyju inicyjatyŭnaj hrupy treba da 15 maja — zastaŭsia ŭsiaho tydzień.
Cichanoŭski znachodzicca pad vartaj i nie zmoža padać dakumienty ŭ CVK sam.
