Žychar Babrujska Dzianis M. raspavioŭ «Radyjo Svaboda», što paśla akcyi «Antyparad» u horadzie adbylisia zatrymańni. Tut pravieści akcyju zaklikaŭ błohier Siarhiej Cichanoŭski, zatrymany 6 maja i asudžany na 15 sutak.

Pavodle jaho, ahułam było zatrymana kala 15 čałaviek, jakija nakiroŭvalisia ŭ bok vakzała, išli pa vulicy, machali rukami i kryčali «Stop tarakan!». Siarod ich byli babrujčanie i pryjezdžyja. Za pratestoŭcami jechała mašyna milicyi, usie jany byli zatrymanyja, ich pavieźli ŭ aŭtobusie.

Jak raskazała «Svabodzie» pres-sakratarka Abjadnanaj hramadzianskaj partyi Hanna Krasulina, u Babrujsku zatrymali kiraŭnicu Babrujskaj arhanizacyi AHP i prafsajuza REP Halinu Śmirnovu, aktyvistaŭ Uładzimira Ramanoŭskaha i Alaksandra.

«Jany išli karmić hałuboŭ, razdavać haziety. Razdali haziety kala łaźni — pajechaŭ aŭtazak z mahiloŭskimi numarami», — paviedamiła Krasulina.

Ciapier usie zatrymanyja znachodziacca ŭ Babrujskim RAUS.

Клас
0
Панылы сорам
0
Ха-ха
0
Ого
0
Сумна
0
Абуральна
0