Jak raspavioŭ rajonnaj haziecie «Naviny Paleśsia» hałoŭny doktar Stolinskaj CRB Viktar Majsiuk, pa stanie na 7 maja ŭ rajonie było zarehistravana 107 stanoŭčych testaŭ na COVID-19. Jość siarod zachvarełych i miedrabotniki.

Ź pnieŭmanijaj na lačeńni ŭ centralnaj rajonnaj balnicy znachodziacca 146 pacyjentaŭ, dva ź ich — na štučnaj vientylacyi lohkich, adzin maje patrebu ŭ kisłarodnaj padtrymcy.

Dvuch pacyjentaŭ ź pnieŭmanijaj i spadarožnymi chraničnymi zachvorvańniami vyratavać nie ŭdałosia. Uzrost abodvuch — bolš za 60 hadoŭ. U adnaho z pamierłych test na karanavirus akazaŭsia stanoŭčym.

U suviazi z epidemijałahičnaj situacyjaj, na bazie Stolinskaj CRB stvorany infiekcyjny špital, pryznačany dla lačeńnia chvorych z prykmietami karanavirusnaj infiekcyi i pnieŭmanijaj. Dla hetaha zadziejničany terapieŭtyčnaje, chirurhičnaje i nieŭrałahičnaje adździaleńni — usiaho 165 łožkaŭ. Taksama pieraprafilavana i znachodzicca ŭ režymie čakańnia novych pacyjentaŭ adździaleńnie traŭmatałohii — jašče 30 łožkaŭ.

U Stolinskim rajonie — trochi bolš za 70 tysiač žycharoŭ. 

Jak praviła, pnieŭmanija raźvivajecca ŭ prykładna 13—20% nośbitaŭ COVID-19. Adpaviedna, pa kolkaści virusnych pnieŭmanij možna acanić realnaje raspaŭsiudžańnie epidemii.

Клас
0
Панылы сорам
0
Ха-ха
0
Ого
0
Сумна
0
Абуральна
0