Svaju kandydaturu na pasadu prezidenta Biełarusi vyłučaje minčanka Natalla Kisiel, IPešnica, namieśnik dyrektara transpartnaj kampanii pa hruzapieravozkach.

Zaraz farmirujecca inicyjatyŭnaja hrupa pa zbory podpisaŭ vybarščykaŭ u jaje padtrymku. Pra heta Tut.by paviedamiŭ Siarhiej Štoda, staršynia Asacyjacyi hruzapieravozčykaŭ «Rehijon 8», kiraŭnik pieradvybarčaha štaba Natalli.

Natalli Kisiel 51 hod, žyvie ŭ Miensku. Zamužam, maje dvoje dziaciej. Pracuje ŭ śfiery hruzapieravozak — jana namieśnik dyrektara PHUP «Kisiel V. V.», a taksama indyvidualny pradprymalnik. U Natalli try vyšejšyja adukacyi. Raniej jana mieła akredytacyju pry Departamiencie bankructva — antykryzisny kiraŭnik katehoryi «V».

Dośviedu jak palityk Natalla Kisiel nie maje. Pakul što ŭsia jaje aktyŭnaść prachodziła ŭ śfiery hruzapieravozak. Naprykład, jana brała ŭdzieł u pieramovach z pradstaŭnikami Mintransa z nahody skandału, jaki razhareŭsia na fonie raźmierkavańnia «dazvołaŭ» — polskich dazvołaŭ dla pajezdak dla biełaruskich firmaŭ.

Pa słovach kiraŭnika pieradvybarčaha štaba, prahrama Natalli Kisiel budzie sfarmiravana paśla 15 maja.

Čarhovyja vybary prezidenta Biełarusi adbuducca 9 žniŭnia 2020 hoda.

Клас
Панылы сорам
Ха-ха
Ого
Сумна
Абуральна