U subotu ŭ Biełaruś z Kitaja pastupili 100 tysiač ekspres-testaŭ na antycieły da SOVID-19. Jany nabyty za košt srodkaŭ biełarusaŭ, što pastupili na dabračynny rachunak Minzdaroŭja. Na pieršym etapie testy raźmiarkujuć pa miedycynskich ustanovach. Jany buduć vykarystoŭvacca daktarami dla vyznačeńnia dyjahnazu pacyjentam, što znachodziacca na stacyjanarnym lačeńni, paviedamlaje Minzdaroŭja ŭ svaim telehram-kanale.

Ekspres-testy ŭžo adhružany dla balnic u abłaściach. Pieršyja ŭžo dastaŭleny ŭ Bresckuju i Homielskuju vobłaści, siońnia apošnija skrynki buduć pieradadzienyja ŭ Hrodna.

Testy buduć raźmierkavanyja nastupnym čynam: Minsk — 20 tys. štuk, Viciebskaja i Bresckaja vobłaści — pa 11 tys. štuk, Homielskaja, Hrodzienskaja, Mahiloŭskaja vobłaści - pa 10 tys. štuk. Akramia taho, ustanovam achovy zdaroŭja, jakija ŭvachodziać u sistemu Minzdaroŭja, pieradadzieny 10 tys. štuk.

Na nastupnym tydni čakajucca dadatkovyja pastaŭki, paśla čaho ŭ krainie budzie pradastaŭlena mahčymaść prachodzić testavańnie usim žadajučym.

Ekspres-testy pakazvajuć najaŭnaść antyciełaŭ. U pieryjad razharańnia kliničnych simptomaŭ jany vyjaŭlajuć najaŭnaść imunahłabulinaŭ M, jakija śviedčać ab aktyŭnym infiekcyjnym pracesie. Kali čałaviek pierachvareŭ niejki čas tamu, u jaho źjaŭlajucca imunahłabuliny G. Pry najaŭnaści padazreńniaŭ, źviazanych ź pieraniesienym u lohkaj formie zachvorvańniem, možna budzie prajści testavańnie, kab paćvierdzić ich ci abvierhnuć.

Učora paviedamlałasia, što płatna prajści test moža kožny achvotny ŭ Marjinahorskaj balnicy.

Клас
0
Панылы сорам
0
Ха-ха
0
Ого
0
Сумна
0
Абуральна
0