Fota ź Vikipiedyi

Fota ź Vikipiedyi

Irłandskaja avijakampanija Ryanair, najbujniejšy ŭ Jeŭropie avijapieravozčyk-dyskaŭnter, maje namier z 1 lipienia adnavić 40% rejsaŭ, što pakryje prykładna 90% toj maršrutnaj sietki, jakaja dziejničała da kryzisu, vyklikanaha pandemijaj karanavirusa. Pra heta havorycca ŭ paviedamleńni avijapieravozčyka, piša Delfi.

U Ryanair adznačajuć, što i ekipažy samalotaŭ, i pasažyry buduć abaviazany nasić miedycynskija maski na borcie. Akramia taho, bartavoje absłuhoŭvańnie budzie abmiežavany razdačaj snekaŭ ŭ indyvidualnaj ŭpakoŭcy, a taksama napojaŭ.

Usie finansavyja raźliki na borcie samalota buduć bieznajaŭnymi, adznačajuć u kampanii. Avijapieravozčyk prymie miery, kab paźbiehnuć ŭźniknieńnia čerhaŭ u prybiralniu.

Ź siaredziny sakavika, kali ŭstupili ŭ siłu abmiežavańni na paloty ŭ suviazi z pandemijaj COVID-19, Ryanair ažyćciaŭlaje štodnia tolki 30 rejsaŭ pamiž Irłandyjaj, Vialikabrytanijaj i Jeŭropaj.

Клас
0
Панылы сорам
0
Ха-ха
0
Ого
0
Сумна
0
Абуральна
0