Kiraŭnik CVK Lidzija Jarmošyna ličyć, što biełarusy nie bajacca karanavirusa i «nie siadziać u bunkiery», tamu krytyka ab pryznačeńni prezidenckich vybaraŭ u pieryjad epidemii niedarečnaja. Pra heta Jarmošyna zajaviła ŭ efiry «Pieršaha nacyjanalnaha kanała Biełaruskaha radyjo», piša Tut.by.

Fota Siarhieja Hudzilina

Fota Siarhieja Hudzilina

— Tak, naroda stała mienš chadzić [na vulicach], ale ŭ maskach vy sustreniecie ludziej redka. Bolš za toje, navat u kramy — začynienyja pamiaškańni — nie tak šmat ludziej zachodzić u maskach. Heta značyć, što daloka nie ŭsie bierahucca ad karanavirusa. Tamu skazać, što nasielnictva ŭ nas strašna napałochanaje, siadzić u bunkiery i zborščyki podpisaŭ patryvožać supakoj, parušać epidemijałahičny režym, nie prychodzicca. Niama asablivaha epidemijałahičnaha režymu, i hramadzianie nie asabliva imknucca jaho vykonvać, — zajaviła Jarmošyna.

Kiraŭnik CVK padkreśliła: kamisija stroha adznačyła, što siabry inicyjatyŭnych hrup abaviazkova pavinny być u maskach i palčatkach. Kali jany buduć bieź ich, to inicyjatyŭnaja hrupa budzie papiaredžvacca Centralnaj kamisijaj, heta budzie razhladacca jak parušeńnie — nievykanańnie rekamiendacyj CVK.

— Akramia taho, kali buduć pieradumovy, jakija buduć śviedčyć ab niespryjalnaj situacyi padčas hałasavańnia, členy vybarčych kamisij buduć zabiaśpiečany i maskami, i palčatkam, — dadała Jarmošyna.

Клас
Панылы сорам
Ха-ха
Ого
Сумна
Абуральна