U kancy krasavika ŭ adnoj z sacyjalnych sietak źjaviłasia videa, na jakim małady čałaviek udaryŭ makiet inśpiektara DAI.
Supracoŭniki Małaryckaha RAUS vyśvietlili jaho asobu. Abłasnoje UUS paviedamlaje, što padčas hutarki z pravaachoŭnikami 25-hadovy bieraściejec «ščyra raskajaŭsia ŭ zroblenym i paprasiŭ prabačeńnia».
— Ja škaduju nakont ździejśnienaha ŭčynku i adčuvaju vinu. Siońnia ja razumieju, što pastupiŭ niapravilna. Heta nie była niejkaja antyprapahanda abo demanstracyja nachabnych pavodzin dziela chajpu. Ja zrabiŭ adpaviednyja vysnovy i ščyra prynošu prabačeńni za svaje niekarektnyja pavodziny, — vymaviŭ jon na kamieru padrychtavany tekst.
