Dźmitryj Vus, kandydat u prezidenty na vybarach 2010 hoda, 31 maja pryjšoŭ na pikiet na mienskaj Kamaroŭcy i raskazaŭ Radyjo Svaboda što pryjšoŭ tudy padtrymać Mikołu Statkieviča, a taksama «ŭsio žyvoje, što ciapier adbyvajecca».
«26 hadoŭ u nas budujecca rynkavy sacyjalizm, — razvažaŭ Dźmitryj Vus. — Pieradvybarčaja kampanija Łukašenki zvodziłasia da taho, što 500 dalaraŭ musić być u kožnaha rabotnika. Za 26 hadoŭ heta nie zroblena. Paśla sielskaja haspadarka musiła być padniataja — usio razburana. Nasielnictva na miljon stała mienš.Pryjšoŭ padtrymać zdarovy sens, kab nie było hetkaha. Rynkavy sacyjalizm, jaki jon buduje, utopijaj atrymlivajecca. Treba ruchacca, niešta novaje rabić».
«Maja asnoŭnaja zadača była ŭ 2010 hodzie — danieści da hramadskaj dumki, što vybaraŭ niama. Tady mnohija ludzi jašče vieryli ŭ toje, što vybary isnujuć, — kazaŭ Vus. — Ja dumaju, na siońniašni momant z hetaj zadačaj ja spraviŭsia.
Ja pretendentaŭ usich padtrymlivaju, chto nie pojdzie na vybarčyja ŭčastki. Cichanoŭskaha i tych, chto zajavić ab tym, što suprać vybaraŭ takich chłuślivych, usich padtrymlivaju».
