Fota Nadziei Bužan
U Biełarusi karanavirus vyjaŭleny ŭ 3600 dziaciej. Pra heta 1 červienia paviedamiła hałoŭny śpiecyjalist addzieła miedycynskaj dapamohi maci i dzieciam Minzdaroŭja Taćciana Burdź na bryfinhu, piša Tut.by.
— 95 pracentaŭ dziaciej pieranosiać zachvorvańnie praktyčna ŭ bieśsimptomnaj formie. Jość nievialikaja kolkaść dziaciej ź siarednieciažkim stanam. Jak praviła, heta dzieci sa spadarožnaj patałohijaj, z ankahiematałahičnymi zachvorvańniami i, na žal, z atłuścieńniem. Ciažkich vypadkaŭ u nas, na ščaście, nie było, — raspaviała Burdź.
Pavodle jaje słoŭ, z pačatku ŭspyški ŭ krainie naradzilisia 62 dziciaci ad mam sa stanoŭčym testam na karanavirus, u tym liku dźvie dvojni. Usie dzieci zdarovyja.
Usiaho, pavodle Minzdaroŭja, u Biełarusi na ranicu 1 červienia było 43 403 vypadki karanavirusa.
