Tajms-Skvier, fota NY Post
Urad ZŠA hatova zadziejničać uzbrojenyja siły ŭ metach stabilizacyi situacyi ŭ tych častkach krainy, dzie za apošnija niekalki dzion adbylisia bujnyja biesparadki. Pra heta, znachodziačysia ŭ Ružavym sadzie Biełaha doma i źviartajučysia da hramadzian, zajaviŭ amierykanski prezident Donald Tramp, pieradaje Reuters.
«Siońnia ja rašuča rekamiendavaŭ kožnamu hubiernataru razharnuć [u jaho štacie] nacyjanalnuju hvardyju ŭ dastatkovym liku, kab my daminavali na vulicach», — skazaŭ jon.
Pavodle jaho słoŭ, mery haradoŭ i hubiernatary abaviazany zabiaśpiečyć pieravažnuju prysutnaść siłavikoŭ da taho času, pakul nie spyniacca biesparadki. «Kali horad ci štat admaŭlajecca pradprymać dziejańni, nieabchodnyja dla abarony žyćcia i ŭłasnaści ich žycharoŭ, to ja raźviarnu Uzbrojenyja siły ZŠA i chutka vyrašu prablemu», — zajaviŭ prezident.