Razam z mužam 54-hadovaja Tamara Savina zajmałasia vychavańniem dziaciej u dziciačym domie siamiejnaha typu. Apošnim časam u siamji było siamiora vychavancaŭ (i heta pry tym, što ŭ pary jašče piaciora svaich!).

U 2018 hodzie siamju Savinych naviedvaŭ Viktar Łukašenka. Fota BiełTA

U 2018 hodzie siamju Savinych naviedvaŭ Viktar Łukašenka. Fota BiełTA

Ale sioleta Tamary Ivanaŭny nie stała. Jana pamierła ŭviečary 31 maja.

Historyja nakolki trahičnaja, nastolki ŭ siońniašni čas i standartnaja: žančynie stała kiepska, zrabili zdymak — pnieŭmanija. Pakłali ŭ balnicu.

Špitalizavali taksama 67-hadovaha muža Tamary Ivanaŭny Alfreda i adnu sa starejšych dačok. Im zrabili testy, vynik pakazaŭ «karonu».

Praź niekalki dzion Tamara Ivanaŭna pamierła. Daktary skazali siamji, što karanavirusa ŭ jaje nie było.

fota Glusk.by

fota Glusk.by

«Nam učora skazali: možacie sami zabirać cieła, myć jaho, adziavać. Karanavirus tak i nie vystavili», — raspaviała «Našaj Nivie» adna z dačok žančyny.

«Ale Hłusk — maleńki horad, usie adno adnaho viedajuć. I ja viedaju, što ŭ miascovy adździeł adukacyi paviedamili, što pryjšli stanoŭčyja vyniki troch testaŭ našaj siamji — taty, mamy i majoj siastry Karaliny. Mamie zrabili test tolki pierad tym, jak pakłaści jaje ŭ reanimacyju. Heta ŭžo ja nastajała, pasvaryłasia z daktarami.

U vyniku, nam dazvolili chavać mamu tak, jak zachočam. Ale my sami vyrašyli zakryć trunu, abviazać jaje plonkaj i apracavać antysieptykam».

Chavajuć Tamaru Savinu 2 červienia.

Siamja Savinych, choć sama nie šykuje, — 12 dziaciej! — pry hetym udzielničała ŭ vałanciorskim ruchu, dapamahała miedykam zmahacca z karanavirusam. Ciapier aktyvisty abvieścili zbor hrošaj siamji, jakaja zastałasia biez mamy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?