Uviadzieńnie ŭ ekspłuatacyju čatyroch stancyj treciaj linii mietro moža zaciahnucca, raspavioŭ žurnalistam staršynia Minharvykankama Anatol Sivak, piša Źviazda.
Pa słovach mera, budaŭniča-mantažnyja raboty da hetaj daty buduć zavieršanyja. Adnak pakul u jaho niama ŭpeŭnienaści, što da lipienia atrymajecca abkatać novyja rašeńni, jakija vykarystoŭvajucca na treciaj linii padziemki.
«Na pieronie ŭstanaŭlivajucca dźviery, jakija pavinny być sinchranizavanyja ź dźviaryma ruchomaha sastavu. Druhoje novaŭviadzieńnie — novy ruchomy sastaŭ, choć jon siertyfikavany i abkatvajecca. Dalej — śpiecyjalnaja sistema kiravańnia, korpus jakoj budujecca z boku vulicy Leninhradskaj. Heta ŭsio patrabuje uzmocnienaj abkatki i naładki», — rastłumačyŭ Anatol Sivak.
Jon dadaŭ, što tearetyčna hetyja raboty mahčyma paśpieć pravieści da Dnia Niezaležnaści, ale harantavać heta składana.
