Fota Nadziei Bužan
Pravaabaroncam «Viasny» stała viadoma imia jašče adnaho zatrymanaha ŭ suviazi z kryminalnaj spravaj ab hvałcie da milicyjantaŭ na pikiecie ŭ Hrodnie: Vasil Babroŭski. Taksama stała viadoma pra pieršyja pieratrusy.
Uviečary 1 červienia pieratrus praviali ŭ kvatery adnaho z zatrymanych Uładzimira Navumika, kanfiskavali noŭtbuk i fłeš-karty. Pravaabaroncam viadoma taksama pra pieratrusy ŭ Jaŭhiena Raźničenki, Siarhieja Kałmykova, Vasila Babroŭskaha.
Nieviadomyja ludzi zabrali adnu z mašyn, na jakich u Hrodna pryjechała kamanda Cichanoŭskaha. Uładalnik mašyny Uładzimir Kuźniacoŭ napisaŭ zajavu pra zhon aŭto.
Uviečary 1 červienia skončyŭsia trochdzionny termin ad momantu zatrymańnia błohiera Siarhieja Cichanoŭskaha i 7 jahonych paplečnikaŭ. Usich ich zatrymali ŭ miežach kryminalnaj spravy za hvałt u dačynieńni da supracoŭnikaŭ milicyi (art. 364 Kryminalnaha kodeksa), jany znachodziacca ŭ mienskim izalatary.
Pa skančeńni troch sutak na volu nichto nie vyjšaŭ, z čaho pravaabaroncy «Viasny» robiać vysnovu, što termin utrymańnia pad vartaj padoŭžany da 10 sutak.
