Pamior 15-hadovy junak, jaki tanuŭ u basiejnie. Padletka vyratavać nie ŭdałosia, siońnia jon pamior u balnicy, paviedamlaje SK u svaim telehram-kanale.
Pryznačana sudova-miedycynskaja ekśpiertyza.
Incydent zdaryŭsia 30 maja. Adzin z naviedvalnikaŭ basiejna źviarnuŭ uvahu na toje, što na susiedniaj darožcy tonie junak. Mužčyna adrazu ž nyrnuŭ jaho ratavać.
Padletka dastali z vady, akazali nieabchodnuju dapamohu i pavieźli ŭ balnicu. Pavodle papiaredniaj infarmacyi, jon sprabavaŭ prapłyści pad vadoj 50 m, ale na hłybini straciŭ prytomnaść i staŭ tanuć.
