Siarhiej Valerjevič Sucharaŭ pamior u Bresckaj abłasnoj balnicy. Jak paviedamili ŭ Łuninieckim RAUS, padpałkoŭnik Sucharaŭ pajšoŭ na zasłužany adpačynak z pasady kiraŭnika adździaleńnia pravaparadku. Na piensii praciahvaŭ pracavać u vajenizavanaj achovie na stancyi Łuniniec, piša Miedyja-Paleśsie.
Jak raspaviali ciapierašnija kalehi vieterana MUS, jaho špitalizavali ŭ balnicu ŭ pačatku maja. Zatym pieraviali ŭ Bresckuju abłasnuju balnicu. Kaleham pa telefonie paviedamili, što test na karanavirus paćvierdziŭsia.
Chavać vieterana buduć u zakrytaj trunie, ale z usimi ŭšanavańniami, paviedamili ŭ RAUS.
