Biełaruskija dziciačyja kardyjachirurhi praviali ŭnikalnuju i pieršuju ŭ śviecie apieracyju. Apieracyju Sašy daktary vykanali na trochstvorkavym kłapanie — kansilium pakazaŭ, što parušeńnie pracy hetaha kłapana pryviało da źnižeńnia nasyčeńnia kisłarodam i staviła pad pahrozu žyćcio dziciaci, paviedamlaje Minzdaroŭja ŭ svaim telehram-kanale.

Hety kłapan treba było terminova zamianić albo pravieści jaho płastyku.

«Z-za taho, što chłopčyk užo pieranios 4 apieracyi, vykanańnie adkrytaj apieracyi mieła vysokuju ryzyku. Dla vyratavańnia žyćcia dziciaci my pryniali rašeńnie pravieści ŭnikalnuju apieracyju — pratezavańnie trochstvorkavaha kłapana z vykarystańniem sučasnych małatraŭmatyčnych mietodyk endavaskularnaj chirurhii», - tłumačyć dyrektar RNPC dziciačaj chirurhii Kanstancin Drazdoŭski.

Pavodle jaho słoŭ, štučny bijałahičny kłapan serca Melody byŭ paśpiachova ŭstalavany ŭ trochstvorkavy kłapan dziciaci praź nievialiki katetar u ściohnavaj vienie, što dazvoliła paźbiehnuć adkrytaj apieracyi va ŭmovach štučnaha krovazvarotu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?