Alaksandr Łukašenka paprasiŭ kiraŭnika administracyi prezidenta Ihara Sierhiejenku, staršyniu Savieta Respubliki Natallu Kačanavu i kiraŭnika spraŭ prezidenta Viktara Šejmana vypracavać sistemu pravierak pryvatnych kampanij. «I pahladzieć, za što zvolnili ludziej za apošnija try miesiacy. Publična chaču skazać: kali jany chočuć u Biełarusi prystojna pracavać i davać karyść krainie, nie kryŭdziačy ludziej, jany pavinny viarnuć hetych ludziej ci apłacić im za try, dva abo adzin miesiac — za toje, što vykinuli biespadstaŭna».

«Ja ž jašče ŭ pačatku hoda prasiŭ nie zvalniać ludziej z-za hetaj pandemii. Sprava ž tut nie ŭ vybarach. Nie, pačali vykidać. I, hałoŭnaje, nachabnymi ŭžo stali i nie bajacca: «A, ty tam za svajho Łukašenku, nu dyk idzi na vulicu!» Heta što takoje? — aburyŭsia Łukašenka. — I ja atrymaŭ skarhi ad niekalkich čałaviek, paprasiŭ pravieryć. Vykidvajuć ludziej biezabaronnych, u kaho niama hrošaj, baćki, maci, jakija mohuć abaranić».

«Značyć, treba hetych buržujaŭ pryvieści da prytomnaści. My nikomu nie pavinny dazvolić pakryŭdzić prostaha čałavieka. I sprava nie ŭ tym, što jany niekali mianie pryviali da ŭłady, a sprava ŭ tym, što ŭ našaj krainie hetaha być nie pavinna», — padkreśliŭ kiraŭnik dziaržavy.

Jon daručyŭ sumiesna z hienieralnym prakuroram, kamitetam dziaržkantrolu, inšymi strukturami i pry ŭdziele miascovych orhanaŭ ułady «pravieryć hetych puzatych buržujaŭ», kab jany nieśli adkaznaść za ludziej. «Heta što za sistema? Na Hoa, Kanary, jašče niejkija astravy ŭ ich jość hrošy vyjechać, a ludziam narmalnuju zarpłatu zapłacić nie mohuć, dy jašče i z raboty vyhaniajuć», — źviarnuŭ uvahu Alaksandr Łukašenka.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?