Mahistarskaja stupień jak kankurentnaja pieravaha

Va ŭmovach vysokaj kankurencyi na rynku pracy mahistarskaja adukacyja daje śpiecyjalistu značnuju kankurentnuju pieravahu. Mahistranty nabyvajuć kampietencyi, jakija pavyšajuć karjerny patencyjał, a taksama dazvalajuć prafiesijna pahłybicca ŭ akademičnuju dziejnaść. Pavodle statystyki, pry pieršym uładkavańni na pracu pa śpiecyjalnaści mahistram prapanujuć u siarednim na 30% bolšuju zarpłatu, čym bakałaŭram. Taksama mahistarskaja stupień adkryvaje mahčymaści vykładańnia va ŭniviersitetach, pracy ŭ roznych daśledčych centrach i pastupleńnia ŭ daktaranturu.

Mieć adzin bakałaŭrski dypłom i niekalki mahistarskich — heta ŭžo svojeasablivy trend siarod kvalifikavanych śpiecyjalistaŭ Jeŭropy i ZŠA.

Mahistarskija prahramy Jeŭrapiejskaha humanitarnaha ŭniviersiteta (EHU) u Vilni pieršapačatkova raspracoŭvalisia zhodna ź jeŭrapiejskaj adukacyjnaj tradycyjaj. U 2020 hodzie EHU prapanuje try mahistarskija prahramy ŭ halinach dyzajnu, palityčnych navuk i navuk ab spadčynie: «Vizualnaja płastyka», «Publičnaja palityka» i «Raźvićcio kulturnaj spadčyny».

Chutkaść źmianieńniaŭ na rynku pracy i nieabchodnaść u śpiecyjalistach novych profilaŭ paŭpłyvali na źjaŭleńnie kancepcyi adukacyi na praciahu ŭsiaho žyćcia (life long learning). U prafiesijnym asiarodździ siońnia ličycca normaj atrymańnie adnoj bakałaŭrskaj stupieni i niekalkich mahistarskich pa roznych napramkach. Heta značna pavialičvaje adaptacyjnyja navyki śpiecyjalista va ŭmovach rynku, jaki chutka źmianiajecca.

«Našy mahistratury — heta, u niejkaj miery, prajekty «stvareńnia siabie» dla śvietu, jaki ŭvieś čas mianiajecca. Tudy prychodziać z pytańniami pra siabie i śviet i nie atrymlivajuć hatovych adkazaŭ, ale vučacca ich šukać», — kaža zasnavalnica Centra hiendarnych daśledavańniaŭ EHU prafiesar Alena Hapava, łaŭreat Mižnarodnaj uznaharody za vydatnyja dasiahnieńni ŭ halinie słavianskich i ŭschodniejeŭrapiejskich hiendarnych daśledavańniaŭ.

Adukacyja, jakuju lohka sumiaščać z pracaj

Bolšaść studentaŭ-mahistrantaŭ paśpiachova sumiaščajuć navučańnie abo sa stažyroŭkaj, abo z pracaj, abo z tvorčaściu, bo vučoba na bolšaści prahram nie zajmaje bolš za 2—3 dni ŭ tydzień ci ž arhanizavanaja ŭ vyhladzie niepraciahłych siesij.

Jeŭrapiejski humanitarny ŭniviersitet u Vilni prapanuje źmiašanaje navučańnie ŭ mahistratury (blended learning). Heta ŭnikalnaje spałučeńnie vočnaha i dystancyjnaha navučańnia. Vočnyja lekcyi, sieminary, kalokviumy i kansultacyi prachodziać u Vilni ŭ navučalnym korpusie EHU. Praciahłaść kožnaj vočnaj siesii — adzin tydzień. Studenty mahistratury naviedvajuć siesii ŭ Vilni 5 raz na hod i za 1.5—2 hady atrymlivajuć śpiecyjalizavanyja navyki i kampietencyi.

Dystancyjnaje navučańnie arhanizavana ŭ sistemie Moodle, u jakoj u vykładčykaŭ jość virtualnyja kłasy pa kožnym z prapanavanych kursaŭ. U virtualnym kłasie prachodziać anłajn-zaniatki, kansultacyi i apytańni, zachoŭvajecca nieabchodnaja litaratura pa kursie, navučalnyja materyjały ŭ formie tekstaŭ, videalekcyi i hetak dalej. Tam ža studenty zdajuć vykładčykam svaje zadańni pa kursie, prachodziać testy, udzielničajuć u videakanfierencyjach i anłajn-sieminarach.

Finalnaje aceńvańnie pa kožnym kursie, a taksama abarona kursavych i bakałaŭrskich rabot pravodziacca ŭ vučebnym korpusie ŭniviersiteta.

Navučalnyja płany mahistarskich prahram uklučajuć śpiecyjalizavanyja kursy, praktyka-aryjentavanyja zaniatki i daśledčuju pracu. U śpiecyjalnych videa vykładčyki novych mahistarskich prahram EHU «Vizualnaja płastyka» i «Raźvićcio kulturnaj spadčyny» lektary Julija Citova i doktar Ściapan Sturejka raspaviadajuć pra hałoŭnyja napramki dziejnaści hetych prahram i asablivaści vučoby.

Navučańnie jak praces nazapašvańnia sacyjalnaha kapitału

Navučańnie ŭ luboj mahistratury ŭ pieršuju čarhu stymuluje stasunki studentaŭ u prafiesijnym asiarodździ dla taho, kab užo ŭ čas vučoby jany mahli farmiravać svoj sacyjalny kapitał. Atrymać nieabchodnyja suviazi pa prafiesii značna praściej va ŭniviersiteckim asiarodku. Za jaho miežami maładomu śpiecyjalistu davodzicca samastojna šukać kanfierencyi, praktyki abo daśledčyja centry dla atrymańnia praktyčnaha abo tearetyčnaha dośviedu. Achvotnyja praciahnuć akademičnuju karjeru za čas navučańnia ŭ mahistratury mohuć padrychtavać navukovyja publikacyi, nieabchodnyja dla pastupleńnia ŭ daktaranturu.

Mahistratura jak mahčymaść chutka źmianić śpiecyjalnaść

Naš imklivy śviet patrabuje takoha ž chutkaha raźvićcia kampietencyj, i z kožnym hodam stanovicca ŭsio bolš tych, chto mianiaje svaju śpiecyjalnaść dziakujučy mahistratury. Abituryjenty mahistratury ŭsio čaściej vybirajuć prahramy, jakija adroźnivajucca ad ich papiaredniaha profilu. Tak, naprykład, možna abrać bolš zapatrabavany na rynku kirunak.

U lubuju jeŭrapiejskuju mahistraturu možna pastupić tolki ŭ tym vypadku, kali ŭ vas užo jość bakałaŭrskaja stupień abo dypłom śpiecyjalista. EHU śpiecyjalizujecca ŭ humanitarnych i sacyjalnych navukach, tamu zaprašaje abituryjentaŭ, jakich cikavić atrymańnie viedaŭ z hetych abłaściej.

Univiersitet taksama aktyŭna pravodzić miždyscyplinarnyja daśledavańni i vitaje takija prajekty abituryjentaŭ. Kali patrebnyja dadatkovyja viedy pa vybranym kirunku, mahistranty mohuć prajści i cikavyja dla ich bakałaŭrskija kursy.

Dla pastupleńnia nieabchodna zrabić try asnoŭnyja kroki:

  • paćvierdzić viedańnie anhlijskaj movy na ŭzroŭni B1 abo vyšejšym, zdaŭšy anłajn-ekzamien EHU abo padaŭšy siertyfikat IELTS abo TOEFL;
  • zapoŭnić ankietu abituryjenta;
  • napisać daśledčy prajekt — prajekt vašaha budučaha mahistarskaha daśledavańnia.

Abjom prajekta — 4—5 staronak drukavanaha tekstu na ruskaj abo biełaruskaj movie. Prajšoŭšy pa hetaj spasyłcy, vy možacie daviedacca ab rekamiendacyjach pa padrychtoŭcy daśledčaha prajekta. U daśledčym prajekcie nieabchodna adlustravać nastupnaje:

  • mety, zadačy i mietady daśledavańnia;
  • karotki ahlad litaratury;
  • asnoŭnyja prablemy daśledavańnia;
  • navukovuju i praktyčnuju značnaść mierkavanaha daśledavańnia.

Mahistratura jak mahčymaść pamianiać miesca i ŭmovy žyćcia

Čas navučańnia — heta nie prosta čas atrymańnia nieabchodnych viedaŭ, ale i mahčymaść efiektyŭna źmianić miesca svajho pražyvańnia, a razam ź im i ŭmovy žyćcia i pracy. Pry hetym možna jak časova pryjazdžać u inšuju krainu na siesii abo adpravicca tudy pa prahramie studenckich abmienaŭ, tak i pasialicca tam.

Susiedniaja Litva vielmi dobrazyčliva stavicca da zamiežnych studentaŭ. Da taho ž paśla atrymańnia jeŭrapiejskaj adukacyi vy možacie atrymać dostup da mižnarodnaha rynku pracy.

Клас
Панылы сорам
Ха-ха
Ого
Сумна
Абуральна