Pjany kiroŭca lehkavuški na śmierć źbiŭ ravarystku ŭ Kryvičach, na Miadzielščynie, paviedamlaje «Rehijanalnaja hazieta».
Zdareńnie adbyłosia dniom 19 červienia. Pavodle infarmacyi inśpiektaraŭ, 40-hadovy kiroŭca «Opiel Astra» nie spraviŭsia z kiravańniem i vylecieŭ na pałasu sustrečnaha ruchu, dzie źbiŭ 45-hadovuju ravarystku.
U vyniku DTZ ravarystka ad atrymanych traŭmaŭ pamierła na miescy zdareńnia. Vyśvietliłasia, što kiroŭca byŭ u stanie ałkaholnaha apjanieńnia. Miedycynski ahlad pakazaŭ 1,91 pramile.
