22 červienia ŭ 8:51 ratavalnikam pastupiła paviedamleńnie: u vioscy Korki zhubiŭsia čałaviek. Da miesca pošukaŭ vyjechali padraździaleńni MNS, u tym liku pošukava-vyratavalnaja hrupa Respublikanskaha atrada śpiecyjalnaha pryznačeńnia MNS, piša 112.by.
112.by
Mužčyna pajšoŭ u les 21 červienia kala 12:00 i źnik.
U pošukavaj apieracyi pryniali ŭdzieł kala 40 čałaviek: ratavalniki MNS (Respublikanski atrad śpiecyjalnaha pryznačeńnia, abłasny atrad i rajonnaje padraździaleńnie), rabotniki rajonnaha adździeła ŭnutranych spraŭ i miascovaje nasielnictva. Pošuki vialisia jak na ziamli, tak i z pavietra pry dapamozie kvadrakoptara.
23 červienia ŭ 11:20 zvodnaj hrupaj u poli kala vioski Chanievičy mužčynu znajšli ŭ źniasilenym stanie. Ratavalniki na kvadracykle dastavili jaho ŭ štab pošukava-vyratavalnych rabot, adkul pieradali miedykam dla dalejšaj špitalizacyi.
Adzin ź miascovych žycharoŭ pakazaŭ, što napiaredadni kala 10-j hadziny ranicy na palavoj darozie pablizu vioski Chanievičy jon sustreŭ piensijaniera. Dadzienaja infarmacyja dazvoliła istotna zvuzić siektar dla dalejšaha pošuku, paviedamlaje padrabiaznaści MNS. Hety ŭčastak byŭ pračesany piešymi hrupami pa čatyry čałavieki i kinałahičnaj słužbaj, a na dvuch kvadracykłach pravieryli lasnyja darohi. Nieŭzabavie byli vyjaŭleny ślady zachodu ŭ pole, a paźniej — sam piensijanier. U vyniku za čas ratavalnaj apieracyi pošukava-vyratavalnaja hrupa prajšła kala 50 kiłamietraŭ u lasnym masivie i pa palavych darohach jak u piešym paradku, tak i z vykarystańniem kvadracykłaŭ.
