Pa internecie šyrycca paviedamleńnie, jakoje 24 červienia źjaviłasia na staroncy «Administracyja Kastryčnickaha rajona h. Minska» ad imia kiraŭnika administracyi Hienadzia Lubatynskaha.
«Nadychodzić čas pieramien. Nadychodzić čas Biełarusi Budučyni. My ŭsie adčuvajem heta prosta ŭ pavietry», — napisana tam.
Mnohija internaŭty ŭspryniali heta jak publičny adychod ad linii partyi. Ale, vyhladaje, što heta ŭsio ž fejk.
Pieradusim pra heta kaža papularnaść staronki — tam usiaho 6 upadabańniaŭ, chacia isnuje jana z hod. Na aficyjnym sajcie administracyi ŭ raździele pradstaŭnictva ŭ sacsietkach «Fejsbuka» niama, a ŭ «Instahramie», «Tvitary» i Adnakłaśnikach takoha dopisu nie majecca.
My pakul nie źviazalisia piersanalna z Hienadziem Lubatynskim, ale adździeł ideałohii admaŭlaje sapraŭdnaść publikacyi.
«Heta nie my viadziem hety akaŭnt. Chto — raźbirajemsia», — adkazali «Našaj Nivie» tam.
