president.gov.by
Pra heta Alaksandr Łukašenka zajaviŭ siońnia ŭ časie naviedvańnia pradpryjemstva «Biełkalij-Mihaa», piša BIEŁTA.
«My budziem iści spakojna pa pryncypie raźvićcia «Biełkalija»: kali bačym, što možna ŭkłaści kapiejku i atrymać dźvie, my budziem układvać. Budziem iści ad žyćcia.
Ja nie stanu łamać krainu praz kalena, pryvatyzavać, nachilać ludziej. Samaje ciažkaje, kali ludzi žyvuć u epochu niepatrebnych pieramien.
Pieramieny buduć abaviazkova, i jany pavinny pačynacca i iści cyvilizavana, pačynajučy ad Kanstytucyi», — skazaŭ Alaksandr Łukašenka na sustrečy z kalektyvam pradpryjemstva.
Na sustrečy z pracoŭnym kalektyvam «Biełaruśkalija» jon adznačyŭ, što jamu pradstavili niekalki varyjantaŭ abnoŭlenaj Kanstytucyi, adnak źmieny apynulisia niedastatkova rašučymi.
«Kanstytucyja — Asnoŭny Zakon. My jaje zrobim za dva hady. Niekalki varyjantaŭ mnie ŭžo prapanavana, ale jany nie padychodziać. Ludzi prosta bajacca ŭnosić bolš rašučyja źmieny ŭ Kanstytucyju. Ja dumaju, nam heta treba zrabić. Jašče da pryniaćcia Kanstytucyi my naohuł šmat zrobim u płanie pieradačy paŭnamoctvaŭ ŭniz — da staršyniaŭ rajvykankamaŭ, hubiernatara», — zajaviŭ Alaksandr Łukašenka.
U toj ža čas jon pierakanany, što viartańnie da Kanstytucyi ŭzoru 1994 hodu — heta ruch nazad.
