Da 26 červienia nie było viadoma dakładnaje miescaznachodžańnie Alaksandra Kabanava, pres-sakratara inicyjatyŭnaj hrupy Śviatłany Cichanoŭskaj. Z 17 červienia jon adbyvaŭ 15-sutačny aryšt pa č. 3 artykuła 23.34 KaAP (zaklik da ŭdziełu ŭ niesankcyjanavanym masavym mierapryjemstvie) u bresckim izalatary časovaha ŭtrymańnia. Potym stała viadoma, što jaho pieraviali ŭ Drahičyn, a 25 červienia ŭ domie jaho baćkoŭ pad Biarozaj prajšoŭ vobšuk. Supracoŭniki milicyi paviedamili baćkam Alaksandra Kabanava, što ich syna pieravoziać u Minsk. Pry hetym supracoŭniki IČU i SIZA-1 admaŭlali jaho prysutnaść tam, paviedamlaje Viasna.
26 červienia pravaabaroncam «Viasny» stała viadoma, što błohier Alaksandr Kabanaŭ znachodzicca ŭ minskim CIP na vulicy Akreścina. Brescki pravaabaronca «Viasny» Uładzimir Vialičkin miarkuje, što jon moža być fihurantam «spravy Cichanoŭskaha».
