Kuryja Hrodzienskaj dyjacezii paviedamlaje, što 26 červienia na 95-m hodzie žyćcia pamior ksiondz prełat Juzaf Trubovič, jaki byŭ najstarejšym katalickim śviatarom u Biełarusi.

Infarmacyja pra pachavańnie budzie padadziena paźniej.

Juzaf Trubovič naradziŭsia na Viciebščynie ŭ vioscy Nieviaryški 6 studzienia 1926 h.

Skončyŭ Vyšejšuju duchoŭnuju sieminaryju ŭ Ryzie (Łatvija), tam ža atrymaŭ preźbiterskaje paśviačeńnie z ruk biskupa Kazimira Dulbinskaha 30 vieraśnia 1956 h. Paśla paśviačeńnia 20 hadoŭ nios słužeńnie ŭ Łatvii, a potym pryjechaŭ u Hrodna i na praciahu 12 hadoŭ pracavaŭ u franciškanskim kaściole.

U 1988—1992 hh. byŭ prefiektam Vyšejšaj duchoŭnaj sieminaryi ŭ Ryzie, a ŭ nastupnyja siem hadoŭ — probaščam katedralnaj parafii śviatoha Franciška Ksaveryja ŭ Hrodnie.

Z 1999 h. źjaŭlaŭsia rezidentam u parafii Biezzahannaha Začaćcia Najśviaciejšaj Panny Maryi ŭ Hrodnie.

Клас
Панылы сорам
Ха-ха
Ого
Сумна
Абуральна