Aryšt hałoŭnych kankurentaŭ Alaksandra Łukašenki na hetych vybarach — Siarhieja Cichanoŭskaha i Viktara Babaryki, a taksama masavyja parušeńni svabody schodu i słova ŭ Biełarusi vyklikali biesprecedentnuju chvalu salidarnaści.
Šmatludnyja akcyi padtrymki sabrali biełarusaŭ u Varšavie, Bierlinie, Vilni, Ńju-Jorku, Łos-Andželesie i navat na Kipry, Iźmiry (Turcyja), u Barsiełonie i Małazie, dzie nikoli raniej biełarusy nie arhanizoŭvali palityčnych akcyj.
Prajšoŭ Łancuh salidarnaści ŭ Biełastoku, dzie žyvuć biełarusy Padlašša, a taksama pracujuć šmatlikija hramadzianie Biełarusi, jakija nie majuć pracy za miažoj.
Biełarusy Biełastoka vyciahnulisia ŭ łancuh u znak salidarnaści z zatrymanymi ŭdzielnikami pikietaŭ pa zbory podpisaŭ za alternatyŭnych kandydataŭ. Udzielniki pryjšli z samarobnymi płakatami suprać Łukašenki, a adzin chłopiec pryjšoŭ u cialniašcy i sa ściaham Sił mabilnych apieracyj.
