U dapamohu abituryjentam, jakija chočuć pastupić u biełaruskija vyšejšyja navučalnyja ŭstanovy i źviazać svaju budučyniu ź infarmacyjnymi technałohijami, u PVT vypuščany štohadovy elektronny daviednik «IT-abituryjent 2020».
U im pradstaŭlena aktualnaja i padrabiaznaja infarmacyja ab IT-fakultetach minskich i rehijanalnych univiersitetaŭ: apisańnie IT-śpiecyjalnaściaŭ, płany pryjomu na 2020 hod, prachadnyja bały za minułyja hady, košt navučańnia, najaŭnaść vajennaj kafiedry, umovy pradastaŭleńnia internata, miesca raźmierkavańnia vypusknikoŭ.
Kožny hod u IT-haliny źjaŭlajucca novyja napramki, śpiecyjalizacyi, technałohii, i ŭ tych, chto choča ŭ jaje patrapić, časam raźbiahajucca vočy ad raznastajnaści mahčymaściaŭ. Tamu daviednik taksama źmiaščaje apisańnia 12 najbolš raspaŭsiudžanych siońnia IT-prafiesij.
Daviednik «IT-abituryjent 2020» dazvalaje daviedacca niepasredna ad viadučych supracoŭnikaŭ kampanij-rezidentaŭ PVT, jakich IT-śpiecyjalistaŭ na rynku pracy nie chapaje zaraz i jakija buduć zapatrabavanyja praz 4 hady. Jak patrapić na pracu ŭ PVT paśla zakančeńnia ŭniviersiteta? Jak, budučy studentam, možna pačać supracoŭničać ź IT-kampanijami?
Spampavać daviednik možna tut: «IT-abituryjent 2020».
